Грамота князя Мстислава Юрьеву монастырю 1131 год.

Грамота в. кн. Мстислава и сына его Всеволода Юрьеву монастырю 1130 г.
Се аз Мьстислав Володимирь сын, дьржа Роусьскоу землю в свое княжение, повелел есмь сыноу своемоу Всеволоду отдати Боуице святомоу Георгиеви с данию и с вирами и с продажами и вено во кое ; даже которыи князь по моемь княжении почьнеть хотети отъяти оу святого Георгия, а Бог боуди за темь и святая Богородица и т стыи Георгии оу него то отимаеть; и ты, игоумене Иcaиe, и вы, братие, донеле же ся мир с стоить, молите Бога за мя и за мой дети, кто ся изоостанеть в манастыри, то вы темь дължны есте молити за ны Бога и при животе, и в съмьрти. А аз дал роукою своею и осеньнее полюдие даровьное пол третия десяте гривьн святомоу же Георгиеви. А се яз Всеволод дал есмь блюдо серебрьно в 30 гривьн серебра святомоу же Георгиеви; велел есмь бити в не на обеде, коли игоумен обедаеть. Даже кто запрьтит или тоу дань, и се блюдо, да соудить емоу Бог в день пришьствия своего и т святый Георгий.