Устав Новгородского князя Святослава 1137 г.

Устав, бывъший преже нас в Руси от прадед и от дед наших имати пискупом десятину от даний, и от вир и продажь , что входить в княжь двор всего.
А зде в Новгороде что есть десятина от даний, обретохом уряжено преже мене бывъшими князи, толико от вир и продажь десятины зрел, олико дьний в руце княжий в клеть его. Нужа же бяше пископу, нужа же князю в томь, в десятой части Божий. Того деля уставил есмь св. Софьи, ать емлет пискуп за десятину от вир и продажь 100 гривен новых кун, иже выдаваеть Домажиричь из Онега, аче не будеть полна ста у Домажирича, а осмьдесять выдасть, а дополнок възметь 20 гривен у князя ис клети . Урядил есмь св. Софии и написал Никола князь Новогородскыи Святослав: в Онеге на Волдутове погосте 2 сорочька, на Тудоворе погосте 2 сорочька, на Ивани погосте с даромь три сорочькы, на Ракуле 3, на Спиркове 2, у Вихтуя сорочек, в Пинезе 3, в Кегреме 3, устье Емьце 2, устье Ваг 2, у Пуите сорочек, у Чудина полъсорочька, у Лигуя с даромь 2, у Вавдита с даром 2, у Вели 2, у Векшензе 2, на Борку сорочек, в Отмине сорочек, в Тоиме сорочек, у Поме полъсорочка, у Тотьме сорочек, у Пененича сорочек, у Порогопустьць полъсорочка, у Валдита 2 сорочка, на Волоце в Моши 2, у Еми скора, а на мори от чрена и от салгы по пузу, у Тудора сорочек. — В лето 6645 индикта 15. Ожели кто в которое время, а то рюшить или отиметь, что я урядил князь Никола Святослав с владыкою Нифонтомь, князь ли или ин кто сильных Новгородець, а будеть Богу противен и св. Софии.
А ее Обонезьскыи ряд: во Олонци 3 гривны, на Свери гривна, в Юсколе 13 гривны, у Вьюнице гривна, устье Паши гривна, у Пахитка на Паши полъгривны, на Кукуеве горе, гривна, у Пермина гривна у; Коворка полъгривны, на Масиеге князь Сяси полъгривны, в поезде от всее земли владыце 10 гривен, а попу 2 гривне, у Липсуевичь полъгривны, у Тоивота гривна, в Липне полъгривны. — А ее Бежичькыи ряд: в Бежичих 6 гривен и 8 кун, Городеньке полъпяты гривен, в Змени 5 гривен, Езьске 4 гривны и 8 кун, Рыбаньске гривна волжьская, вы — Изъске полъгривны волжьская.